تعرضت طالبة تدعي "رانيا سليمان" لواقعة تحرش جنسي داخل سيارة ميكروباص، ودونت "رانيا" كافة تفاصيل واقعة تعرضها للتحرش عبر حسابها بموقع التواصل الاجتماعي إنستجرام. وأكدت أنها قامت بتحرير محضر بالواقعة في قسم التجمع الخامس بمديرية أمن القاهرة.
ونشرت الفتاة علي موقعها علي الانستجرام
بدأ الأمر عندما ركبت رانيا الميكروباص من موقف الحصري ومكنش فيه غير الكراسي اللي جنب السواق، فقعدت في الكرسي اللي جنب السواق والبنت التانية قعدت جنب الباب، وعشان مكنش فيه غير الكرسي دا قعدت فيه وفي نص الطريق حست أن في حاجه ع رجليها لكن هي مرضيتش تعمل شوشرة وخافت لتظلمه فحولت تبعد شوية لكن هو مصمم يتحرش بيها ويم*سك رجليها، بعد الموقف دا قررت أنها هتصور المتحرش بتليفونها عشان تاخد حقها بالقانون.
واضافت الفتاة .. أيديه مكنتش ثابتة وعمال يتحرش بيها فصورت اللي قدرت تصوره وخافت تجيب التليفون ع وشه لايعرف أنها بتصوروا، وبعد كدا لما الكل نزل قررت تنزل ولسه بتاخد الشنطة بتاعتها لاحظ المتحرش بأن الكاميرة مفتوحة فهددها بأنها يا أما تيجي معاه يا أما تديله التليفون، وفضلت تقاوم لغايت ما نطت من العربية وصورته وصورت الرقم العربية، وقررت أنها هتعمل محضر عشان تاخد حقها بالقانون.
وفي نهاية المنشور نصحت الفتيات بعدم الركوب مع هذا الشخص، وإبلاغ السلطات المسؤولة في حالة تعرضهم للتحرش ، وطالبت الجميع بدعمها حتي يتم القبض علي الجاني ..